აჭარაში დაბებისა და სოფლების წყალმომარაგებისა და წყალარინების მასშტაბური პროექტის სამშენებლო სამუშაოები დაიწყო

აჭარაში დაბებისა და სოფლების წყალმომარაგებისა და წყალარინების მასშტაბური პროექტის სამშენებლო სამუშაოები დაიწყო. პროექტის ფარგლებში მიმდინარე და დაგეგმილი აქტივობები სამუშაოები შეხვედრაზე განიხილეს.

ისტორიული პროექტის ფარგლებში, თანამედროვე სტანდარტების წყალმომარაგებისა და წყალარინების ინფრასტრუქტურის მშენებლობის სამუშაოები აჭარის 39 სოფელში და ასევე დაბებში განხორციელდება. პროექტის ღირებულება დაახლოებით 100 მლნ ევროს შეადგენს. პროექტის ფარგლებში ახალი თანამედროვე სტანდარტების წყლის და წყალარინების სისტემით აჭარაში მცხოვრები დაახლოებით 6000  ოჯახი ისარგებლებს.

შეხვედრას აჭარის ფინანსთა და ეკონომიკის მინისტრი ჯაბა ფუტკარაძე, სამინისტროს წარმომადგენლები, გერმანიის რეკონსტრუქციის საკრედიტო ბანკის (KfW),  გერმანიის საელჩოს, საკონსულტაციო კომპანია Fichtner-ის და MACS-ის და „აჭარის წყლის ალიანსის“ წარმომადგენლები ესწრებოდნენ.

აჭარის დაბებისა და სოფლების წყალმომარაგებისა და წყალარინების პროგრამა თანადაფინანსებულია გერმანიის ფედერაციული რესპუბლიკის მიერ, პროექტში ფინანსური კონტრიბუცია ასევე KfW ბანკმა და ევროკავშირმა განახორციელა.