ჯაბა ფუტკარაძე UNDP საქართველოს მუდმივი წარმომადგენლის მოვალეობის შემსრულებელს შეხვდა

აჭარის ფინანსთა და ეკონომიკის მინისტრმა ჯაბა ფუტკარაძემ, აჭარის მთავრობის ადმინისტრაციის უფროს თინა ზოიძესთან ერთად, საქართველოში გაერო-ს განვითარების პროგრამის მუდმივი წარმომადგენლის მოვალეობის შემსრულებელთან, დაგლას უებთან შეხვედრა გამართა.

ჯაბა ფუტკარაძემ დაგლას უებს აჭარის ტურისტული პოტენციალი, საინვესტიციო გარემო გააცნო. მინისტრმა გაერო-ს განვითარების პროგრამასთან (UNDP) მრავალწლიან ნაყოფიერ თანამშრომლობაზე ისაუბრა.

შეხვედრაზე ხაზი გაესვა საქართველოში მდგრადი განვითარების დღის წესრიგის განხორციელების, ეკონომიკური განვითარების, დემოკრატიული მმართველობისა და ადამიანის უფლებათა დაცვის მიმართულებით UNDP-ის მიერ გაწეულ ძალისხმევას.

შეხვედრაზე გაეროსა და ევროკავშირის ფინანსური დახმარებით მიმდინარე პროექტებზე ისაუბრეს. UNDP-ის ჩართულობით აჭარაში რამდენიმე მნიშვნელოვანი პროექტი განხორციელდა. მათ შორისაა სატრანსპორტო სისტემების განვითარება პროექტის „მწვანე ქალაქების“ ფარგლებში. ასევე შეიქმნა დაცული ტერიტორიების, ნარჩენების მართვის, გარემოს დაცვისა და კულტურის განვითარების სტრატეგია.