ბათუმი საერთაშორისო სადაზღვევო კონფერენეციას მასპინძლობს

კონფერენციაში სადაზღვევო და გადაზღვევის კომპანიები, ბროკერები, ფინანსური ინსტიტუტები, ასევე საერთაშორისო ასოციაციებისა და მარეგულირებელი უწყებების წარმომადგენლები, სულ 19 ქვეყნის, 100-ზე მეტი სტუმარი მონაწილეობს.

შეხვედრაზე, პანელური დისკუსიის ფორმატში, სადაზღვევო სექტორის წინაშე არსებული გამოწვევები, სტრატეგიები და განვითარების შესაძლებლობები განიხილეს.

საქართველოს დაზღვევის სახელმწიფო ზედამხედველობის სამსახურისა და მედია სააგენტო XPRIMM-ის ორგანიზებით გამართულ ღონისძიებაზე, ექსპერტები, ორი დღის განმავლობაში, ქართული სადაზღვევო ბაზრის მდგომარეობასა და განვითარების შესალებლობებს, მარეგულირებელი გარემოს ცვლილებებსა და საერთაშორისო პრაქტიკის ჰარმონიზაციას, ციფრული ტრანსფორმაციისა და ხელოვნური ინტელექტის გამოყენების საკითხებს განიხილავენ.